Դպրոցականներին գազի մասին

"էյ-Ի-Ջի-Սերվիս" ընկերությունն արդեն երկու տարի է իրականացնում է Գազի անվտանգության կանոնների վերաբերյալ իրազեկման դասընթացներ ինչպես Հայաստանի Հանրապետության մարզերի, այնպես էլ Երևան քաղաքի հանրակրթական դպրոցներում:

"էյ-Ի-Ջի Սերվիս" ՍՊԸ-ի նախաձեռնությամբ իրականացվող դասընթացներն ուղղված են դպրոցականների իրազեկվածության բարձրացմանը` գազասարքավորումններից ճիշտ և անվտանգ օգտվելու համար:

Դասընթացավարները երեխաներին ներկայացնում են գազային ջրատաքացուցիչների, գազի կաթսաների և գազօջախների շահագործման կանոնների կիրառման, ինչպես նաև գազի արտահոսքի հիմնական պատճառների ու դրանց կանխարգելման միջոցառումների մասին:

Դասընթացներն առավել արդյունավետ և պատկերավոր դարձնելու համար ցուցադրվում է նաև "Բնական գազի գաղտնիքները" մուլտիպլիկացիոն տեսաշարը:

Դասընթացից հետո աշակերտներին տրվում են հարցաթերթիկներ` ստուգելու, թե որքանով է յուրացվել մատուցված նյութը: Արդյունքներից կախված` Էյ-Ի-ՋԻ-Սերվիս" ՍՊԸ-ի կողմից աշակերտներին շնորհվում են "Ներտնային անվտանգության գործակալի" կոչումով վկայագրեր:

Պատվոգրեր են տրվում նաև դպրոցի տնօրեններին` դպրոցականների դաստիարակության կազմակերպման գործում ակտիվ մասնակցության և կենցաղում բնական գազի անվտանգ օգտագործման կանոնների պահպանման մշակույթ դաստիարակելու, ինչպես նաև դասընթացների կազմակերպմանն աջակցելու համար:

"Էյ-Ի-ՋԻ-Սերվիս" ՍՊԸ-ի կողմից նախաձեռնությունը շարունակական բնույթ է կրում և դասընթացներ են կազմակերպվում Հայաստանի Հանրապետության տարբեր դպրոցներում: