Ինչ պետք է իմանալ խոհանոցի  օդաքաշ ընտրելիս

Օդաքաշերի դասակարգումը

1.    "Հարթ" - կախովի օդաքաշերը տեղադրվում են պատին, խոհանոցի կախովի պահարանի տակ, կամ առանց պահարանի, ուղղակի գազօջախի /սալօջախի/ վերևում: Արտադրողներից շատերի մոտ այսօրինակ օդաքաշերի ճարպորսիչ զտիչները /ֆիլտր/ որպես կանոն ակրիլե կտորից են /մեկանգամյա/: Կախովի օդաքաշերը փոքր հզորության շարժիչ ունեն և հիմնականում աշխատում են վերաշրջանառության ռեժիմում /տես ներքևում/: Տվյալ աշխատանքային ռեժիմում անհրաժեշտ են մեկանգամյա ածխային զտիչներ, որոնք կասեցնում, պահում են ավելի փոքր մասնիկներ, և փոքրիշատե չեզոքացնում են հոտը: "KRONAsteel" կախովի օդաքաշերը ստանդարտ լրակազմում /կոմպլեկտ/ արդեն ունեն ածխային զտիչներ: Օդաքաշերի տվյալ դասն ամենաէժանագինն է:

2.      Ներտեղադրվող օդաքաշերը տեղադրվում են գազօջախի կամ սալօջախի վերևում, խոհանոցային պահարանի մեջ: Որպես կանոն այս օդաքաշերն  ունենում են դուրսհանովի վահան /պանել/, որը մեծացնում է օդավորսիչ մակերեսը և հեշտացնում է օդաքաշի կառավարումը: Վահանը դուրս գալու ժամանակ օդաքաշը միանում է այն ռեժիմում, որում գտնվում էր անջատվելու պահին /տես շահագործման հրահանգը/: "KRONAsteel" ներտեղադրվող օդաքաշերի լրակազմը ներառում է 2 շարժիչ, որոնց աշխատանքի շնորհիվ մեծանում է արտադրողականությունը: Լրակազմում առկա են նաև ալյումինե լվացվող բազմաշերտ ճարպորսիչ զտիչներ: Որոշ արտադրողների մոտ ներտեղադրվող օդաքաշերի լրակազմում մեկ շարժիչ է և ակրիլե կտորից մեկանգամյա օգտագործման մեկ ճարպորսիչ: 

3.      Գմբեթային օդաքաշերը տեղադրվում են պատին կամ առաստաղին` սալօջախի կամ գազօջախի վերևում: Սրանք բուխարիի /կամին/ կառուցվածք ունեն: Գմբեթային օդաքաշերը լինում են երեք տեսակի.
-          ամբողջամետաղ
-          մետաղի և ապակու համադրությամբ կամ փայտով երիզված
-          "դասական" - փայտով հարդարած, դրվագած:

Օդաքաշի կարևոր տարրը զտիչներն են               

Օդաքաշերի լրակազմում զտիչները լինում են երկու տեսակի:

Ճարպորսիչ զտիչները մաքրում են օդում հայտնված մասնիկները /ճարպ, գազի այրման արգասիքներ և այլն/: Դրանք լինում են ինչպես մեկանգամյա, պատրաստված սինթետիկ նյութից, այնպես և բազմանգամյա` ալյումինե նրբաթիթեղից կամ ցանցից:
"KRONAsteel"-ի բոլոր օդաքաշերը կոմպլեկտավորված են ալյումինե ճարպորսիչ զտիչներով, որոնք բաղկացած են ծակոտկեն ալյումինի մի քանի շերտից: Ալյումինե թիթեղների անցքերն այնպես են արված, որպեսզի ապահովվի օդի առավելագույն անցանելիություն և նվազագույն աղմուկ: Այս զտիչները ծառայում են օդաքաշի շահագործման ողջ ընթացքում և պարբերաբար մաքրվելու կարիք ունեն: Դրանք կարելի է լվանալ ոչ ագրեսիվ լվացող հեղուկների և տաք ջրի լուծույթում ձեռքով կամ աման լվացող մեքենայով: Մեքենայով լվանալիս զտիչները պետք է տեղադրել ուղղահայաց դիրքով, որպեսզի սննդի կոշտ մնացորդները չխցանեն զտիչի անցքերը:

Նուրբ մաքրման /մեկանգամյա/ ածխային զտիչները կասեցնում, պահում են ավելի փոքր մասնիկները և փոքրիշատե չեզոքացնում են հոտը: Ածխային զտիչները օդաքաշի շահագործման ընթացքում գնվում են  առանձին, այդ պատճառով վերաշրջանառության ռեժիմում դրանց տեղադրումը կարելի է իրականացնել ծայրահեղ անհրաժեշտության դեպքում միայն: Ածխային զտիչների օգտագործման դեպքում դրանք փոխելու պարբերականությունը կախված է օգաքաշի օգտագործման հաճախականությունից:

Աղմուկի մակարդակը

Աղմուկի մակարդակը չափվում է դեցիբելերով: Դեցիբելի սանդղակը հասկանալու համար կարելի է համեմատել ստորև ներկայացված կողմնորոշիչների պարամետրերը.
-          խաղաղ  սենյակ, հանդիսասրահ - 30 դեցիբել
-          ոչ բարձր երաժշտություն - 40 դեցիբել
-          բաց պատուհաններով ռեստորանային աղմուկ - 50 դեցիբել
-          զրույց, միջինը մեկ մետր հեռավորության դեպքում - 60 դեցիբել
-          աղմուկը տրամվայի ներսում - 70 դեցիբել
-          մեքենագրական բյուրո - 80 դեցիբել
-          ցավեցնելու աստիճանի աղմուկ, երբ ձայնն արդեն չես լսում - 130 դեցիբել

Առավելագույն արագության դեպքում "KRONAsteel" օդաքաշերի աղմուկը 62 դեցիբել է: Հետազոտությունները ցույց են տվել, որ օդաքաշերի չափից ավելի աղմուկը ճնշող ազդեցություն է ունենում հատկապես  խոհանոցում գտնվող մարդու վրա:

ՈՒշադիր եղեք օդաքաշի կառավարմանը

Գոյություն ունի "KRONAsteel" օդաքաշերի լուսավորման և արտադրողականության կառավարման բլոկերի երեք տարբերակ` սողանիկային - (ползунковое-слайдерное), սեղմակոճակային (кнопочное), պսևդոսենսորային:

Ինքնատիպ տեխնոլոգիական մշակում է համարվում կառավարման պսևդոսենսորային բլոկը (ավելի հեշտ ընկալելու համար կատալոգներում այս կառավարումը ներկայացված է սենսորային անվանումով): Այն կազմված է 4-5 սեղմակոճակից, որոնք փոփոխում են օդաքաշի շարժիչի աշխատանքային ռեժիմը և լուսավորումը: Սեղմակոճակների վերևում վառվում է լուսային դիոդը, որի շնորհիվ երևում է, թե տվյալ պահին օդաքաշն ինչ ռեժիմում է աշխատում: Արագությունները փոփոխվում են ցանկացած հաջորդականությամբ: Բացի այդ, պսևդոսենսորային բլոկում տեղադրված է էլեկտրոնային ժամակարգավորիչ (թայմեր): Կերակուրը պատրաստելու ավարտին միացվում է ժամակարգավորիչը և օդաքաշն ինքնուրույն կանջատվի հոտի, գոլորշու և այլնի վերջին մնացորդները խոհանոցից դուրս մղելուց հետո միայն: Սա շատ հարմար ֆունկցիա է թե խոհանոցային կահույքը անվնաս պահել-պաշտպանելու և թե օդաքաշը ժամանակին անջատելու մասին զուր տեղը չանհանգստանալու առումով:

Օդաքաշերի լուսավորումը

Օդաքաշերում կիրառվում են շիկացման լամպեր, ցերեկային լույսի շիկացման լամպեր և հալոգենային լամպեր: Հալոգենային լուսատուներով օդաքաշերն ավելի թանկ են, բայց ավելի քիչ էլեկտրաէներգիա են ծախսում և ավելի արդյունավետ են: Շիկացման լամպերը փոխելը բարդություններ չի առաջացնում:

Ինչով է պայմանավորված օդաքաշի աշխատանքի արդյունավետությունը

-          Նրանով, թե օդաքաշի ելքը դուրս է բերված դեպի օդափոխման հորան (шахта) թե աշխատում է վերաշրջանառության ռեժիմում: Առավել արդյունավետ տարբերակը օդափոխման հորանով օդի դուրս մղման տարբերակն է:
-          Ածխային զտիչներով: Ինչպիսին էլ լինի ածխային զտիչը, այն օդը չի հեռացնում 100 %-ով, ավելին, որքան ածխային զտիչը խիտ է, այնքան պակաս արդյուավետ է օդաքաշի աշխատանքը:
-          Ճարպորսիչ զտիչներով: Զտիչների հատվածքը պակաս դերակատարություն չունի:
-          Արտադրողականության պաշարով: Արտադրողականության պաշարը հնարավորություն է ընձեռում հեռացնել աղտոտված օդը կերակրի այրման և օդաքաշի շահագործման այլ էքստրեմալ պայմաններում:
-          Շարժիչի կողմից ստեղծվող ճնշումով: Շարժիչի կողմից ստեղծվող օդի ճնշման բարձր ցուցանիշները երաշխավորում են, որ արտադրողականությունը տարբեր իրավիճակներում շատ չի նվազի (տես` պաշարի գործակից):
-          Օդաքաշի չափերով: Որքան մեծ է օդաքաշն այնքան մեծ է օդի ներծծման մակերեսը: Մեծ մրրկացումներ (завихрения) չեն առաջանում: Չեն խոնավանում խոհանոցային կախովի պահարանի կողային պատերը:
-          Ճկուն օդամուղի հարմարակի (переходник) ելքային տրամագծով: Որքան այն մեծ է, օդաքաշն այնքան քիչ ջանք կգործադրի օդն արտանետելու համար:

Որ օդամուղերն են ավելի լավը

Որքան մեծ է օդամուղի տրամագիծը, այնքան լավ: Չի կարելի օդամուղը սեղմել, նեղացնել և սուր կորվածքներ անել: Ալյումինե շատ բարակ նրբաթիթեղից օդամուղերն օդաքաշի միացումից սկսում են խշխշալ: Նախընտրելի են ալյումինե հաստ նրբաթիթեղից օդամուղերը, բայց սրանք նույնպես չեն փայլում աղմկամեկուսիչ հատկությունով: Կնճռածալքը (гармошка) նույնպես ազդում է օդի դիմադրողականությանը:
Նախընտրելի են պոլիվինիլքլորիդե (ПВХ) ճկուն տուփերը: Ճիշտ կլինի կիրառել պոլիվինիլքլորիդե, առանց կնճռածալքերի կլոր տուփերը:

Որ դեպքերում է անհրաժեշտ աշխատեցնել օդաքաշը վերաշրջանառության ռեժիմում

Այն դեպքում, երբ դժվարանում եք հաղթահարել օդաքաշը օդափոխման հորանին միացնելու հետ կապված խնդիրները: Միշտ էլ հնարավոր է գտնել օդը խոհանոցից դորս մղելու տարբերակներ, օրինակ, ծայրահեղ դեպքում կարելի է օդաքաշի վերևում, պատի վրա դեպի դուրս տանող բացվածք անել:

Եփող մակերեսից ինչ բարձրության վրա պետք է տեղադրել օդաքաշը:

Գազօջախի պարագայում` ոչ պակաս քան 80-85 սմ բարձրության վրա: Որպես կանոն, ճարպորսիչ զտիչները միշտ չէ, որ պարբերաբար մաքրվում են: Դրանց վրա ճարպափոշի է կուտակվում: Եվ եթե օդաքաշը 80 սմ-ից ցածր տեղադրվի, հնարավոր է կուտակված ճարպափոշու բռնկում բաց կրակից:
Էլեկտրասալիկի պարագայում օդաքաշը պետք է տեղադրել ոչ պակաս քան 70-85 սմ բարձր եփող մակերեսից:

Հրահանգում գրված է, որ օգաքաշը պետք է հողակցել: Ինչու:

Բանը նրանում է, որ էլեկտրական ցանցում բացառված չեն լարման տատանումները: Հողակցված լինելու դեպքում օդաքաշի շարժիչին, կառավարման էլեկտրոնային համակարգին այրումով փչանալու վտանգ չի սպառնում: Հողակցման դեպքում բացառվում է նաև օդաքաշի ինքնակամ միանալու հնարավորությունը: Անհրաժեշտ է պահպանել անվտանգության տեխնիկայի կանոնները:

Սառնարանների ու լվացքի մեքենաների համար սահմանվում է երաշխիքային և հետերաշխիքային սպասարկում:
Իսկ խոհանոցային օդաքաշերի համար…

"KRONAsteel"-ի բոլոր մոդելների համար տրվում է 1 տարվա երաշխիք: Ի դեպ, "KRONAsteel" ֆիրմայի օդաքաշերի բարձր որակը երաշխավորված է գերմանական ISO 9002  վկայականով: Դրանք ռուսական ստանդարտներին համապատասխան հավաստագրում են անցել նաև Ռուսաստանում: